Agotaos los más de los viaxes del Imserso  

Los más de los xubilaos tarán pendientes de posibles baxes pa optar al viaxe que-yos interesa

El Principáu entamó a comercializar esti miércoles les 17.700 places disponibles pa los 147.000 xubilaos qu’opten a elles. En malapenes 48 hores agotáronse destinos como les islles y tola costa mediterránia asegura Andrea Meana, axente de viaxes en 'Viajes Nuevo Gijón'.

La falta de places nos principales destinos ta suponiendo una desilusión pa los pensionistes qu’opten a estos viaxes. Una decepción a la que se xunió que nesta edición Asturies nun tenga viaxes pa dir a un destín como Benidorm señalen Isabel Sánchez y Peña Martín.

Namás dos díes dempués del llanzamientu de la campaña de viaxes del Imserso yá hai bona parte de los pensionistes que fíen les sos opciones a les baxes d’última hora esplica Marián Sánchez.

A nivel nacional, l’Imserso comercializó 886.000 places con precios que van dende los 120 a los 330 euros.